Demokraatit qineqqusaarnermi neriorsuutigaarput ilungersuutiginiarlugu imigassamut inatsisip nutaap allanngortinnissaa. Maannalu suliaq ima ingerlassimatigilerparput oqaatigisinnaallugu 2018-mi Ukiakkut ataatsimiinnissamut allannguutissanik sisamanik siunnersuuteqassamaarluta, siunnersuutillu tamarmik siunertaraat kiffaanngissuseqarnarnerusumik killilersungaannginnerusumillu imigassamut inatsiseqalernissarput innuttaasut suliffeqarfiillu nuannaarutissaannik.

Imigassamut inatsit nutaaq Inatsisartuni oqallisigineqaqqaarmalli Demokraatini pissutsit naapertuutinngitsut  arlallit tapersiisinnaannginnitsinnut pissutaasut tikkuartorpagut. Immikkoortut taakku arlaleriarluta oqaatigaagut upernaaq qineqqussaarnerup nalaani.  Sualummik qulequttat uku sisamat erseqqissarpagut:

1. Saagulersuineq kissaatiginngilarput
2. Pilerisaarinermut inerteqquteqartoqarnissaa kissaatiginngilarput
3. Inuusuttut 18-leereersimasut unnukkut arfineq-pingasup kingorna caféliarsinnaasariaqarput
4. Imigassamik nioqquteqarneq niuertarfiit naliginnaasumik ammanerisa nalaani pissaaq

Qinersigattali pimoorullugu qulequttat taakku misissorpagut maannalu aalajangerpugut Inatsisartunut siunnersuutitut saqqummiunniarlugit. Neriuutigaarput Naalakkersuisut partiillu allat isumaqatigiumaaraatigut oqaratta inatsit naapertuutinngimmat pisagut eqqarsaatigalugit taamaattumik neriuppugut siunnersuutigut ilalerneqarumaartut.

Demokraatini imigassamut inatsit maannakkut atuuttoq inuit kiffaanngissuseqarnissaannut aamma innuttaasut nammineq inuunerminnut oqartussaanerannut innarliisutut isigaarput. Taamaattumik kissaatigaarput allanngortinneqassasoq aamma taamaattumik kissaatigaarput Ukiamut Inatsisartut ataatsimiilerniariarpata siunnersuutinik saqqummiussiniarluta.

Siunnersuutit piariikkat soorunami Inatsisartunut apuunneqarumaarput siunnersuuteqarnissamut piffissarititaasoq kingullerpaaq ulloq 24. aggusti  sioqqullugu.

Inussiarnersumik inuulluaqqusilluta
Randi Vestergaard Evaldsen

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt