Anguniakkakka


Ilinniarsimassuseq siumukartitsisarpoq!
Kalaallit Nunaanni ilinniarsimassuseq qaffassartigu – ilinnut, uannut tamatsinnullu iluaqutaassaaq. Ilinniakkat ilaat Kalaallit Nunaata avataani ingerlattariaqarput. Ilinniakkat taakku pinngitsoorsinnaanngilagut, taamaattumik sinaakkutissat pitsaasuusariaqarput.

Sulissutiginiarpara kalaallit ilinniagaqartut, Danmarkimi ilinniagaqarusullutik aalajangersimasut atugaasa pitsanngorsarnissaat tassunga ilanngullugu aamma kalaallit suliffeqarfiutaannut attaveqarnerulernissaat.


Pigisatsinni pingaarnerpaaq tassaavoq peqqissuserput!
Peqqiilliorutta, napparsimanitsinni pitsaasumik sullinneqartariaqarpugut. Kalaallit Nunaata avataani immikkut katsorsartinnissaq pisariaqalerpat pingaarluinnarpoq innuttaasut kalaallit pitsaasumik toqqissisimanartumillu katsorsarneqarnissaat.

Sulissutiginiarpara katsorsartinnerup ingerlannera napparsimasunut qanigisaasunullu siuarsaavigineqassasoq.


Kalaallit Nunaat nunarsuup qiteraa!
Nunarput nunat tamalaat akornanni nunaavoq pingaarutilik. Uulia, aatsitassat aamma silap pissusaa, qulequttat tamakku pingaartut nunarsuarmi politikerit isumaqatigiinniutigaat. Kalaallit Nunaat tunniussassalerujussuuvoq taamaattumik pingaaruteqarpoq nunarsuarmioqatitsinnut tunngatillugu takutitsisarnissarput iliuuseqartarnissarpullu. S

Sulissutiginiarpara Kalaallit Nunaata nunanut allanut tunngatillugu sunniuteqarnissaa aamma nunarsuup sinnerata nunatsinnut soqutiginninnera atukkatigut aningaasarsiornikkullu iluaqutigineqarnissaa.